నీకోసం
ఎపుడూ లేని ఆలోచనలు
ఇపుడే కలిగెను ఎందుకు నాలో నీకోసం నీకోసం
ఈలోకమిలా ఏదో కలలా
నాకంతా కొత్తగ వింతగ కనిపిస్తూ ఉంది
నాలో ఈ ఇది ఏరోజూ లేనిది
ఏదో అలజడి నీతోనే మొదలిది
నువ్వే నాకని పుట్టుంటావని
ఒంటిగా నీ జంటకే ఉన్నాను నేనిన్నాళ్ళుగా
నాలో ప్రేమకి ఒక వింతే ప్రతీది
వీణే పలకని స్వరమే నీ గొంతుది
మెరిసే నవ్వది మోనాలీసది
ఈ నిజం ఇక కాదనే ఏ మాటనూ నే నమ్మను
అహో ఒక మనసుకు నేడే
అహో ఒక మనసుకు నేడే పుట్టిన రోజు
అహో తన పల్లవి పాడే చల్లని రోజు
ఇదే ఇదే కుహూ స్వరాల కానుక
మరో వసంత గీతిక జనించు రోజు
మాట పలుకు తెలియనిది
మాటున ఉండే మూగ మది
కమ్మని తలపుల కావ్యమయె
కవితలు రాసే మౌనమది
రాగల రోజుల ఊహలకి
స్వాగతమిచ్చే రాగమది
శృతిలయలెరుగని ఊపిరికి
స్వరములు కూర్చే గానమది
ఋతువుల రంగులు మార్చేది
కల్పన కలిగిన మది భావం
బ్రతుకును పాటగ మలిచేది
మనసున కదిలిన మృదునాదం
కలవని దిక్కులు కలిపేది
నింగిని నేలకు దింపేది
తనే కదా వారధి
క్షణాలకే సారధి మనస్సనేది
చూపులకెన్నడు దొరకనిది
రంగు రూపు లేని మది
రెప్పలు తెరవని కన్నులకు
స్వప్నాలెన్నో చూపినది
వెచ్చని చెలిమిని పొందినది
వెన్నెల కళగల నిండు మది
కాటుక చీకటి రాతిరికి
బాటను చూపే నేస్తమది
చేతికి అందని జాబిలిలా
కాంతులు పంచే మణిదీపం
కొమ్మల చాటున కోయిలలా
కాలం నిలిపే అనురాగం
అడగని వరములు కురిపించి
అమృతవర్షిని అనిపించే
అమూల్యమైన పెన్నిధి
శుభోదయాల సన్నిధి మనస్సనేది
ఆనతినీయరా హరా
ఆనతినీయరా హరా
సన్నుతిసేయగా సమ్మతినీయరా దొరా! సన్నిధిజేరగా
ఆనతినీయరా హరా
నీ ఆన లేనిదే రచింపజాలునా
వేదాల వాణితో విరించి విశ్వనాటకం
నీ సైగ కానిదే జగాన సాగునా
ఆయోగమాయతో మురారి దివ్యపాలనం
వసుమతిలో ప్రతి క్షణం పశుపతి నీ అధీనమై
కదులునుగా సదా సదాశివా
ఆనతినీయరా హరా
అచలనాధ అర్చింతునురా
ఆనతినీయరా
జంగమదేవర సేవలు గొనరా
మంగళదాయక దీవెనలిడరా
సాష్టాంగముగ దండము చేతురా
ఆనతినీయరా
శంకరా శంకించకుర
వంకజాబిలిని జడను ముడుచుకుని
విషపునాగులను చంకనెత్తుకుని
నిలకడనెరుగని గంగనేలి ఏ వంకలేని నా వంకనొక్క
కడగంటి చూపు పడనీయవేయిని
నీ కింకనుక సేవించుకుందురా
ఆనతినీయరా
రక్షా ధర శిక్షాదీక్ష ద్రక్షా విరూపాక్ష
నీ కృపావీక్షనాపేక్షిత ప్రతీక్షనుపేక్ష చేయక
పరీక్ష చేయక రక్ష రక్షయను ప్రార్ధన వినరా
ఆనతినీయరా హరా
సన్నుతిసేయగా సమ్మతినీయరా
రాముణ్ణైన కృష్ణుణ్ణైన
హరే రామ హరే రామ రామ రామ హరే హరే
హరే కృష్ణ హరే కృష్ణ కృష్ణ కృష్ణ హరే హరే
రాముణ్ణైన కృష్ణుణ్ణైన కీర్తిస్తూ కూర్చుంటామా
వాళ్ళేం సాధించారో కొంచెం గుర్తిద్దాం మిత్రమా
సంద్రం కూడ స్థంబించేలా మన సత్తా చూపిద్దామా
సంగ్రామంలో గీతాపాఠం తెలుపమా!
చార్మినార్ చాటు కథకీ తెలియదీ నిత్య కలహం
భాగమతి ప్రేమ స్మృతికి బహుమతీభాగ్యనగరం
ఏ మాయ తంత్రం మతమై నాటి చెలిమిని చెరిపెర
ఓం శాంతి మంత్రం మనమై జాతి విలువని నిలుపర
పసిడి పతకాల హారం కాదురా విజయతీరం
ఆటనేమాటకర్ధం నిను నువే గెలుచు యుద్ధం
శ్రీరామ నవమి జరిపే ముందు లంకను గెలవర
ఈ విజయదశమి కావాలంటే చెడును జయించర
గోరే గోరే
గోరే గోరే గోగోరే గోరే గోరే గోగోరే గోగోరే
పోపోపొమ్మంటోందా నను రారా రమ్మంటోందా
నీ మనసేమంటోందో నీకైనా తెలిసిందా
పోపోపొమ్మంటోందా నను రారా రమ్మంటోందా
నీ మనసేమంటోందో నీకైనా తెలిసిందా
చూస్తూ చూస్తూ సుడిగాలల్లే చుట్టేస్తుంటే నిలువెల్లా
ఉక్కిరి బిక్కిరి ఐపోతున్నా ఊపిరి ఆడక నీ వల్లా
ఇదరా అదరా ఎద ఏమన్నా తెలిసే వీలుందా
గోరే గోగోరే గోరే గోరే గోగోరే గోగోరే
గోరే గోరే గోగోరే గోరే గోరే గోగోరే గోగోరే
తెగ ఉరుముతు కలకాలం
తెరమరుగున తన భారం
మోసుకుంటు తిరగదు మేఘం
నీలా దాచుకోదుగా అనురాగం
ముల్లుగా నాటితే నీ వ్యవహారం తుళ్ళిపడదా నా సుకుమారం
మెల్లగ మీటితే నాలో మారం పలికుండేదే మమకారం
ఔనా ఐనా నన్నే అంటావే నేరం నాదా
గోరే గోగోరే గోరే గోరే గోగోరే గోగోరే
గోరే గోరే గోగోరే గోరే గోరే గోగోరే గోగోరే
వెంటపడుతుంటే వెర్రి కోపం
నువ్వు కంటపడకుంటే పిచ్చి తాపం
మండిపడుతుందే హృదయం
మరిచే మద్యమైనా చెప్పదే సమయం
నీతోనీకే నిత్యం యుద్ధం ఎందుకు చెప్పవే సత్యభామా
ఏం సాధిస్తుందే నీ పంతం ఒప్పుకుంటే తప్పు లేదే ఉన్న ప్రేమా
తగువా మగువా నా పొగరంటే నీకిష్టం కాదా
గోరే గోగోరే గోరే గోరే గోగోరే గోగోరే
గోరే గోరే గోగోరే గోరే గోరే గోగోరే గోగోరే
3.మనసా పలకవే
మనసా పలకవే మధుమాసపు కోయిలవై
చెలిమే తెలుపవే చిగురాశల గీతికవై
మంచుతెరలే తెరుచుకుని మంచి తరుణం తెలుసుకుని
నవ్వులే పువ్వులై విరియగా
తుమ్మెద తుమ్మెద విన్నావమ్మా నిన్ను ఝుమ్మంటు రమ్మంది రంగేళి పూవమ్మా
మనసా పలకవే మధుమాసపు కోయిలవై
చెలిమే తెలుపవే చిగురాశల గీతికవై
నాలో కులుకుల కునుకును రేపి
లోలో తెలియని తలపులు రేపి
పిలిచే వలపుల వెలుగును చూపి లాగే రాగమిది
నీలో మమతల మధువుని చూసి
నాలో తరగని తహతహ దూకి
నీకై గలగల పరుగులు తీసి చేరే వేగమిది
ఆరారు కాలాల వర్ణాలతో నీరాజనం నీకు అందించనా
ఎడేడు జన్మాల బంధాలతో ఈ నాడు నీ ఈడు పండించనా
మరి తయ్యారయ్యే ఉన్నా వయ్యారంగా సయ్యంటు ఒళ్ళోకి వాలంగా
దూసుకొచ్చానమ్మా చూడు ఉత్సాహంగా చిన్నారి వన్నెల్ని ఏలంగా
ప్రతిక్షణం పరవశం కలగగా
మనసా పలకవే మధుమాసపు కోయిలవై
చెలిమే తెలుపవే చిగురాశల గీతికవై
ఆడే మెరుపుల మెలికల జానా
పాడే జిలిబిలి పలుకుల మైనా
రాలే తొలకరి చినుకులలోనా తుళ్ళే తిల్లానా
వేగే పదముల తపనలపైనా
వాలే చినుకుల చెమటల వానా
మీటే చిలిపిగ నరముల వీణ తియ్యని తాళానా
బంగారు శృంగార భావాలతో పొగారు ప్రాయాన్ని కీర్తించనా
అందాల మందారహారాలతో నీ గుండె రాజ్యాన్ని పాలించనా
ఇక వెయ్యేళ్ళైనా నిన్ను విడిపోనంటూ ముమ్మారు ముద్దాడి ఒట్టేయనా
ఇక వెళ్ళాలన్నా ఇంక వీల్లేదంటూ స్నేహాల సంకెళ్ళు కట్టేయనా
కాలమే కదలక నిలువగా
4-
గుండె నిండా
గుండె నిండా గుడిగంటలు గువ్వల గొంతులు ఎన్నో మోగుతుంటే
కళ్ళ నిండా సంక్రాంతులు సంధ్రాకాంతులు శుభాకాంక్షలంటే
వెంటనే పోల్చాను నీ చిరునామా ప్రేమా
గుండె నిండా గుడిగంటలు గువ్వల గొంతులు ఎన్నో మోగుతుంటే
కళ్ళ నిండా సంక్రాంతులు సంధ్రాకాంతులు శుభాకాంక్షలంటే
చూస్తూనే మనసు వెళ్ళి నీ ఒళ్ళో వాలగా
నిలువెల్లా మారిపొయా నేనే నీ నీడగా
నిలువదు నిముషం నువు యెదురుంటే
కదలదు సమయం కనపడకుంటే
నువ్వొస్తూనే ఇంద్రజాలం చేశావమ్మా
కవ్విస్తూనే చంద్రజాలం వెశావమ్మా
పరిచయమే చేశావే నన్నే నాకు కొత్తగా ఓ ప్రేమా
గుండె నిండా గుడిగంటలు గువ్వల గొంతులు ఎన్నో మోగుతుంటే
కళ్ళ నిండా సంక్రాంతులు సంధ్రాకాంతులు శుభాకాంక్షలంటే
నీ పేరే పలవరించే నాలోని ఆశలు
మౌనాన్నే ఆశ్రయించే ఎన్నెన్నో ఊసులు
తెరిచిన కనులే కలలకు నెలవై
కదలని పెదవే కవితలు చదివే
ఎన్నెన్నెన్నెన్నో గాథలున్న నీ భాషని
ఉన్నట్టుండి నేర్పినావే ఈ రోజుని
నీ జతలో క్షణమైనా బ్రతుకును చరితగా మార్చెస్తుందమ్మా
గుండె నిండా గుడిగంటలు గువ్వల గొంతులు ఎన్నో మోగుతుంటే
కళ్ళ నిండా సంక్రాంతులు సంధ్రాకాంతులు శుభాకాంక్షలంటే
వెంటనే పోల్చాను నీ చిరునామా ప్రేమా
5-
ఎవరో ఒకరు
ఎవరో ఒకరు ఎపుడో అపుడు
నడవరా ముందుగా అటో ఇటో ఎటో వైపు
అటో ఇటో ఎటో వైపు
మొదటి వాడు ఎప్పుడూ ఒక్కడే మరీ
మొదటి అడుగు ఎప్పుడూ ఒంటరే మరీ
వెనుకవచ్చు వాళ్ళాకు బాట అయినది
ఎవరో ఒకరు ఎపుడో అపుడు
నడవరా ముందుగా అటో ఇటో ఎటో వైపు
అటో ఇటో ఎటో వైపు
కదలరు ఎవ్వరూ వేకువ వచ్చినా
అనుకుని కోడి కూత నిదరపోదుగా
జగతికి మేలుకొల్పు మానుకోదుగా
మొదటి చినుకు సూటిగా దూకిరానిదే
మబ్బుకొంగు చాటుగా ఒదిగి దాగితే
వానధార రాదుగా నేలదారికీ
ప్రాణమంటు లేదుగా బ్రతకడానికీ
ఎవరో ఒకరు ఎపుడో అపుడు
నడవరా ముందుగా అటో ఇటో ఎటో వైపు
అటో ఇటో ఎటో వైపు
చెదరకపోదుగా చిక్కని చీకటి
మిణుగురు రెక్కచాటు చిన్ని కాంతికి
దానికి లెక్కలేదు కాళరాతిరీ
పెదవి ప్రమిద నిలపనీ నవ్వు జ్యోతినీ
రెప్పవెనుక ఆపనీ కంటినీటినీ
సాగలేక ఆగితే దారి తరుగునా?
జాలిచూపి తీరమే దరికి చేరునా
ఎవరో ఒకరు ఎపుడో అపుడు
నడవరా ముందుగా అటో ఇటో ఎటో వైపు
అటో ఇటో ఎటో వైపు
యుగములు సాగినా నింగిని తాకక
ఎగసిన అలల ఆశ అలిసిపోదుగా
ఓటమి ఒప్పుకుంటు ఆగిపోదుగా
ఎంత వేడి ఎండతో ఒళ్ళు మండితే
అంత వాడి ఆవిరై వెళ్ళి చేరదా
అంత గొప్ప సూర్యుడు కళ్ళు మూయడా
నల్ల మబ్బు కమ్మితే చల్లబారడా
ఎవరో ఒకరు ఎపుడో అపుడు
నడవరా ముందుగా అటో ఇటో ఎటో వైపు
అటో ఇటో ఎటో వైపు
6-
నిన్నలా మొన్నలా
నిన్నలా మొన్నలా లేదురా
ఇవాళ కాలమే స్పీడుగా ఉందిరా
అన్నిటా అంతటా తొందర
రొమాన్స్ పద్ధతే మారిపోయిందిరా
ఇల్లు చూసి సెల్ఫోను బిల్లు చూస్తేనే భామ చూసి నవ్వుతుందిరా
ఇంగిలీషు భాషలోన ప్రేమిస్తేనే ఆమె నిన్ను మెచ్చుతుందిరా
ప్రేమంటే అర్ధం అంతా ఐ లవ్ యూ లో లేదయ్యో
గుండెల్లో భావం మొత్తం గ్రీటింగ్ కార్డే కాదయ్యో
మనసంటూ మరోటంటూ అతిగా ఫీలైపోకమ్మా
మజ్నూలా ఇదైపోతూ ఫోసెందుకు మామా
విరహాలు వియోగాలు బీసీనాటి సరంజామా
వీ చానెల్ రోజుల్లో అవినీకవసరమా
లవ్ కి లైఫ్ కి లింకు పెట్టుకొందుకి దేవదాసు రోజులా ఇవి
రోమియో జూలియెట్ లాగ చావటానికి సిద్ధపడ్డ ప్రేమలా ఇవి
కాషుంటే ఖరీదైన బహుమానాలే కొనిపెట్టు
క్లుప్తంగా పనైపోయే మార్గం కనిపెట్టు
టైముంటే అదే పనిగా మాటల్తో మతిపోగొట్టు
లేకుంటే ఐ యాం సారీ మంత్రం సరిపెట్టు
కాగితం పూలకి అంటుకున్న సెంటురా నేటి కొత్త ప్రేమ ఫార్ములా
జీవితం స్కేలులో చిన్న సెంటిమెంటురా అంతకన్న సీనులేదురా
7-RUDRA VEENA
చుట్టుపక్కల చూడరా
చుట్టుపక్కల చూడరా చిన్నవాడ!
చుక్కల్లో చూపు చిక్కుకున్నవాడ
కళ్ళముందు కటిక నిజం
కానలేని గుడ్డి జపం
సాధించదు ఏ పరమార్ధం
బ్రతుకును కానీయకు వ్యర్ధం
స్వర్గాలను అందుకొనాలని వడిగా గుడి మెట్లెక్కేవు
సాటి మనిషి వేదన చూస్తు జాలిలేని శిలవైనావు
కరుణను మరిపించేదా చదువు సంస్కారం అంటే
గుండె బండగా మార్చేదా సంప్రదాయమంటే
నువ్వు తినే ప్రతి ఒక మెతుకు ఈ సంఘం పండించింది
గర్వించే ఈ నీ బ్రతుకు సమాజమే మలిచింది
ఋణం తీర్చు తరుణం వస్తే తప్పించుకు పోతున్నావా
తెప్ప తగలపెట్టేస్తావా ఏరు దాటగానే
8-SHASHI REKHA PARI NAYAM
ఇలా ఎంత సేపు
ఇలా ఎంత సేపు నిన్ను చూసినా
సరే, చాలు అనదు కంటి కామన
ఎదో గుండెలోని కొంటె భావన
అలా ఉండిపోక పైకి తేలునా
కనులను ముంచిన కాంతివొ
కలలను పెంచిన భ్రాంతివొ
కలవనిపించిన కాంతవొ
మతి మరపించిన మాయవొ
మది మురిరిపించిన హాయివొ
నిదురని తుంచిన రేయివొ
శుభలేఖలా నీకళ స్వాగతిస్తోందొ
శశిరేఖలా సొగసెటో లాగుతూ ఉందో
తీగలా అల్లగా చేరుకోనుందో
జింకలా అందక జారిపోనుందో
మనసున పూచిన కోరిక
పెదవుల అంచును దాటక
అదుముతు ఉంచకే అంతగ
అనుమతినివ్వని ఆంక్షగ
నిలబడనివ్వని కాంక్షగ
తికమక పెట్టక ఇంతగ
మగపుట్టుకే చేరని మొగలి జడలోన
మరుజన్మగా మారని మగువు మెడలోన
దీపమై వెలగనీ తరుణి తిలకాన
పాపనై ఒదగనీ పడతి ఒడిలోన
నా తలపులు తన పసుపుగ
నా వలపులు పారాణిగ
నడిపించిన పూదారిగ
ప్రణయము విలువే కొత్తగ
పెనిమిటి వరసే కట్టగ
బ్రతకన నేనే తానుగ
9-ELA CHEPPANU
మన్నించు ఓ ప్రేమ
మన్నించు ఓ ప్రేమ! మురిపించుకోకమ్మా
మౌనాలు కరిగించేలా మాటాడుమా
మన్నించు ఓ ప్రేమ! మరుగేల చెప్పమ్మా
దరిచేరు దారేదైనా చూపించుమా
చెప్పనంటు దాచడానికైన
అంత చెప్పరాని మాట కాదు అవునా
ఇంత మంచి వేళ ఎదురైనా మరి చెప్పుకోవ ఇంక ఇపుడైనా
పట్టరాని ఆశ పెంచుకున్నా
అది మోయరాని భారమవుతున్నా
చెప్పుకుంటె తప్పులేదు అయిన
నువ్వు ఒప్పుకోవు ఏమో అనుకున్న
జంట కమ్మని వెంట రమ్మని పిలిచే నేస్తమా
కొంత చేరువై కొంత దూరమై ఉంటే న్యాయమా
రెండు చేతుల అందుకోమని అనవేం స్నేహమా
చెంత నిలిచినా చేయి కలపవేం నాదే నేరమా
చొరవగా పొదువుకో నడిపే ప్రణయమా
బిడియమే వదులుకో బెదిరే ప్రియతమా
తగిన తరుణమని ఉదయ కిరణమై
ఎదురు పడిన వరమా
అన్ని వైపుల చెలిమి కాపల అల్లే బంధమా
మబ్బులో అలా దాగితే ఎలా దిగిరా చంద్రమా
నిదురలో అలా నిలిపోకలా మెరిసే స్వప్నమా
కంటిపాపలో కబురులేమిటో చెబితే పాపమా
తలపులే తెలుపవే నాలో ప్రాణమా
పెదవిపై పలకవేం ఊహాగానమా
మదిని మీటినది నీవు కాద మరి మధురమైన స్వరమా
10. ELA CHEPPANU
ఈ క్షణం
ఈ క్షణం ఒకే ఒక కోరిక
నీ స్వరం వినాలని తీయగ
కరగని దూరములో
తెలియని దారులలో
ఎక్కడున్నావు అంటోంది ఆశగా
ఎన్ని వేల నిమిషాలో లెక్కపెట్టుకుంటోంది
ఎంత సేపు గడపాలో చెప్పవేమి అంటోంది
నిన్నే నీవు వెళ్ళావన్న సంగతి గుర్తేలేని గుండె ఇది
మళ్ళి నిన్ను చూసేదాక నాలో నన్ను ఉండనీక ఆరాటంగ కొట్టుకున్నది
రెప్పవేయనంటోంది ఎంత పిచ్చి మనసు ఇది
రేపు నువ్వు రాగానే కాస్త నచ్చజెప్పు మరి
నిన్న మొన్న చెప్పుకున్న ఊసులే మళ్ళి మళ్ళి తలచుకుని
ఇంకా ఎన్నో ఉన్నాయంటు ఇప్పుడే చెప్పాలంటు నిద్దరోను అంటోంది
11- HRUDAYANJALI
మానస వీణ
మానస వీణ మౌన స్వరాన
ఝుమ్మని పాడే తొలి భూపాళం
పచ్చదనాల పానుపుపైన
అమ్మై నేల జోకొడుతుంటే
పున్నమి నదిలో విహరించాలి
పువ్వుల ఒళ్ళో పులకించాలి
పావురమల్లే పైకెగరాలి
తొలకరి ఝల్లై దిగిరావాలి
తారల పొదరింట రాతిరి మజిలి
వేకువ వెనువెంట నేలకు తరలి
కొత్త స్వేచ్ఛకందిచాలి నా హృదయాంజలి
వాగు నా నేస్తం చెలరేగే
వేగమే ఇష్టం వరదాయే
నింగికే నిత్యం ఎదురేగే
పంతమే ఎపుడూ నా సొంతం
ఊహకు నువ్వే ఊపిరిపోసి
చూపవె దారి ఓ చిరుగాలి
కలలకు సైతం సంకెల వేసి
కలిమి ఎడారి దాటించాలి
తుంటరి తూనీగనై తిరగాలి
దోసెడు ఊసులు తీసుకు వెళ్ళి
పేద గరిక పూలకు ఇస్తా నా హృదయాంజలి
12- KOTTA BANGARU LOKAM
నీ ప్రశ్నలు నీవే
నీ ప్రశ్నలు నీవే ఎవ్వరో బదులివ్వరుగా
నీ చిక్కులు నీవే ఎవ్వరూ విడిపించరుగా
ఏ గాలో నిన్ను తరుముతుంటే అల్లరిగా
ఆగాలో లేదో తెలియదంటే చెల్లదుగా
పది నెలలు తనలో నిన్ను మోసిన అమ్మైనా
అపుడో ఇపుడో కననే కనను అంటుందా
ప్రతి కుసుమం తనదే అనదే విరిసే కొమ్మైనా
గుడికో జడకో సాగనంపక ఉంటుందా
బతుకంటే బడి చదువా అనుకుంటే అతి సులువా
పొరబడినా పడినా జాలిపడదే కాలం మనలాగా
ఒక నిమిషం కూడ ఆగిపోదే నువ్వొచ్చేదాకా
అలలుండని కడలేదని అడిగేందుకె తెలివుందా
కలలుండని కనులేవని నిత్యం నిదరోమందా
గతముందని గమనించని నడిరేయికి రేపుందా
గతి తోచని గమనానికి గమ్యం అంటు ఉందా
వలపేదో వల వేసింది వయసేమో అటు తోస్తుంది
గెలుపంటే ఏదో ఇంత వరకు వివరించే ఋజువేముంది
సుడిలో పడు ప్రతి నావ చెబుతున్నది వినలేవా
పొరబాటున చేజారిన తరుణం తిరిగొస్తుందా
ప్రతి పూటొక పుటగా తన పాఠం వివరిస్తుందా
మన కోసమే తనలో తను రగిలే రవి తపనంతా
కనుమూసిన తరువాతనే పెను చీకటి చెబుతుందా
కడ తేరని పయనాలెన్ని పడదోసిన ప్రణయాలెన్ని
అని తిరగేశాయా చరిత పుటలు వెనుజూడక ఉరికే వెతలు
తమ ముందు తరాలకు స్మృతుల చితులు అందించాలా ప్రేమికులు
ఇది కాదే విధి రాత అనుకోదేం ఎదురీత
పది నెలలు తనలో నిన్ను మోసిన అమ్మైనా
అపుడో ఇపుడో కననే కనను అంటుందా
ప్రతి కుసుమం తనదే అనదే విరిసే కొమ్మైనా
గుడికో జడకో సాగనంపక ఉంటుందా
బతుకుంటే బడి చదువా అనుకుంటే అతి సులువా
పొరబడినా పడినా జాలిపడదే కాలం మనలాగ
ఒక నిమిషం కూడ ఆగిపోదే నువ్వొచ్చేదాకా
13-KOTHA BANGARU LOKAM
ఓకే అనేశా
ఓకే అనేశా
దేఖో నా భరోసా
నీకే వదిలేశా
నాకెందుకులే రభస
భారమంతా నేను మోస్తా
అల్లుకో ఆశాలత
చేరదీస్తా సేవ చేస్తా
రాణిలా చూస్తా
అందుకేగా గుండెలో నీ పేరు రాశా
తెలివనుకో తెగువనుకో మగ జన్మ కదా
కథ మొదలనుకో తుది వరకు నిలబడగలదా
పరిగెడదాం పదవే చెలీ
ఎందాక అన్నానా
కనిపెడదాం తుది మజిలి
ఎక్కడున్నాం
ఎగిరెళదాం ఇలనొదిలి
నిన్నాగమన్నానా
గెలవగలం గగనాన్ని
ఎవరాపినా
మరోసారి అను ఆ మాట
మహారాజునైపోతాగా
ప్రతి నిమిషం నీ కోసం
ప్రాణం సైతం పందెం వేసేస్తా
పాత ఋణమో కొత్త వరమో
జన్మ ముడి వేసిందిలా
చిలిపితనమో చెలిమి గుణమో
ఏమిటీ లీలా
స్వప్నలోకం ఏలుకుందాం రాగమాలా
అదిగదిగో మదికెదురై కనబడలేదా
కథ మొదలనుకో తుది వరకు నిలబడగలదా
పిలిచినదా చిలిపి కల
వింటూనే వచ్చేశా
తరిమినదా చెలియనిలా
పరుగుతీశా
వదిలినదా బిడియమిలా
ప్రశ్నల్ని చెరిపేశా
ఎదురవదా చిక్కు వల
ఏటో చూశా
భలేగుందిలే నీ ధీమా
ఫలిస్తుందిలే ఈ ప్రేమ
అదరకుమా బెదరకుమా
పరదా విడిరా సరదా పడదామా
పక్కనుంటే ఫక్కుమంటూ నవ్వినాడా ప్రియతమా
చిక్కులుంటే బిక్కుమంటూ లెక్క చేస్తామా
చుక్కలన్నీ చిన్నబోవా చక్కనమ్మా
మమతనుకో మగతనుకో మతి చెడిపోదా
కథ మొదలనుకో తుది వరకు నిలబడగలదా
14- KOTTA BANGARU LOKAM
నేనని నీవని
నేనని నీవని వేరుగా లేమని
చెప్పినా వినరా ఒకరైనా
నేను నీ నీడనీ నువ్వు నా నిజమనీ
ఒప్పుకోగలరా ఎపుడైనా
రెప్ప వెనకాల స్వప్నం
ఇప్పుడెదురయ్యే సత్యం తెలిస్తే
అడ్డుకోగలదా వేగం
కొత్త బంగారు లోకం పిలిస్తే
మొదటి సారి మదిని చేరి
నిదర లేపిన ఉదయమా
వయసులోని పసితనాన్ని
పలకరించిన ప్రణయమా
మరీ కొత్తగా మరో పుట్టుక
అనేటట్టుగా ఇది నీ మాయేనా
పథము నాది పరుగు నీది
రథము వేయరా ప్రియతమా
తగువు నాది తెగువ నీది
గెలుచుకో పురుషోత్తమా
నువ్వే దారిగా నేనే చేరగా
ఎటూ చూడక వెనువెంటే రానా
